មានសង្ឃឹមហើយបងប្អូន! កូវីដ១៩នឹងរលាយបាត់ពីផែនដី ក្រោយវ៉ាក់សាំង មួយនេះ ជោគជ័យដំណាក់កាលទី២ទៀត
ប៉េកាំង ៖ ប្រិយមិត្តជាច្រើនមានការចាប់អារម្មណ៏ និង រំភើបជាខ្លាំងដោយកាលពីថ្ងៃទី១២ ខែមេសា វ៉ាក់សាំង Adenovirus សម្រាប់ជំងឺ COVID-19 ដែលត្រូវបានស្រាវជ្រាវ ដោយក្រុមអ្នកជំនាញ ដែលដឹកនាំដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវវេជ្ជសាស្ត្រយោធា នៃវិទ្យាស្ថានវិទ្យាសាស្ត្រយោធា ប្រទេសចិន
ត្រូវបានឈានដល់ដំណាក់កាលពិសោធន៍ព្យាបាលជំងឺ ជាលើកទី២ នេះបើតាមស្ថានទូតចិនប្រចាំនៅព្រះរាជាណាចក្រកម្ពុជា ។ជាក់ស្តែង ក្នុងបណ្ដាញប្រព័ន្ធផ្សព្វផ្សាយរបស់អង្គការសុខភាពពិភពលោក បានប្រកាសថា នេះជាវ៉ាក់សាំងសម្រាប់ជំងឺវីរុស COVID-19
តែមួយគត់លើពិភពលោក ដែលបានឈានដល់ដំណាក់កាល ពិសោធន៍ព្យាបាលជំងឺលើកទី២ ។ដំណាក់កាលដំបូងនៃការសាកល្បងគ្លីនិក ត្រូវបានបញ្ចប់នៅចុងខែមីនា ហើយដំណាក់កាលទី២ បានចាប់ផ្តើមនៅថ្ងៃទី១២ ខែមេសា ២០២០នេះ ។
(
យ៉ាងណាមិញ លោក Xiong Zhengxing អាយុ៨៤ឆ្នាំ នៅទីក្រុងវ៉ូហាន ត្រូវបានចាក់វ៉ាក់សាំង នៅថ្ងៃទី១៣ ខែមេសា រូបលោកក្លាយជាអ្នកស្ម័គ្រចិត្ត មានអាយុច្រើនជាងគេ ក្នុងដំណាក់កាលទី២ នៃការព្យាបាលនេះ ។ដោយឡែក បើប្រៀបធៀបនឹងដំណាក់កាលទី១ ដំណាក់កាលទី២នេះបានលុបចោលនូវតារាងអាយុ ពោលគឺអ្នកស្ម័គ្រចិត្តចុះឈ្មោះ អាចមានអាយុលើស៦០ឆ្នាំ ។
នៅពេលដែលមនុស្សវ័យចំណាស់ មានភាគរយខ្ពស់នៃអ្នកជំងឺ COVID-19 ដែលធ្ងន់ធ្ងរវ៉ាក់សាំងគួរតែបង្កើតជាខែលការពារសុវត្ថិភាពសម្រាប់ពួកគេ ។តួយ៉ាង អ្នកស្ម័គ្រចិត្តចំនួន ១០៨នាក់ ដែលបានបញ្ចប់ការសាកល្បងគ្លីនិក ដំណាក់កាលដំបូង កាលថ្ងៃទី២៧ ខែមីនានោះ បានបញ្ចប់ការសង្កេតផ្នែកវេជ្ជសាស្ត្រហើយ ស្ថិតក្នុងស្ថានភាពល្អ ។ក្នុងនោះដែរ ដំណាក់កាលទី២ នឹងជ្រើសរើសអ្នកស្ម័គ្រចិត្តចំនួន ៥០០នាក់ និងណែនាំក្រុមត្រួតពិនិត្យ placebo ដើម្បីវាយតម្លៃបន្ថែមលើភាពស៊ាំ ប្រតិកម្ម និងសុវត្ថិភាព នៃវ៉ាក់សាំង ។ គិតត្រឹមម៉ោង ៥ល្ងាច នៅថ្ងៃទី១៣ ខែមេសា អ្នកស្ម័គ្រចិត្ត ២៧៣នាក់ ត្រូវបានចាក់វ៉ាក់សាំង៕
