ទីតាំងម៉ាស្សារ (Q House Dining & Bar) ត្រូវបានគេទម្លាយថា បង្កប់ល្បែងស៊ីសងតាមអ៉ីនធើណេត និងបង្កប់សេវាកម្មផ្លូវភេទ…..
(ភ្នំពេញ) ៖ យោងតាមប្រភពព័ត៌មានច្បាស់ការណ៍មួយ បានបង្ហើបឲ្យដឹងថា ទីតាំងម៉ាស្សារ (Q House Dining & Bar) ស្ថិតនៅផ្ទះលេខ៩១ ផ្លូវលេខ២៩៤ សង្កាត់បឹងកេងកង១ ខណ្ឌបឹងកេងកង មានបង្កប់ល្បែងស៊ីសង និងសេវាកម្មបម្រើផ្លូវភេទខុសច្បាប់ ដែលភាគច្រើនជាភ្ញៀវជនជាតិចិន។
នេះជាការព្រួយបារម្មណ៍ខ្លាំងណាស់ ដែលនៅក្នុងប្រទេសកម្ពុជាមិនតម្រូវឲ្យមានអាជីវកម្មបែបនេះ ហើយអ្នករងហានិភ័យខ្លាំងបំផុត គឺនារីខ្មែរក្មេងៗ។ ជាទូទៅហាងនេះ មានការបើកនៅពេលយប់ នឹងមាននារីក្មេងៗជាច្រើនមកត្រៀបត្រា ដើម្បីមកទទួលភ្ញៀវ។
បញ្ហាល្បែងស៊ីសងតាមអនឡាញ ត្រូវបានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសឲ្យបិទត្រឹមដំណាច់ឆ្នាំ២០១៩ ប៉ុន្ដែទីតាំងនេះ នៅតែបន្ដគឃ្លើនបើកជាបន្ដទៀត ដោយគ្មានក្លាចញញើតនឹងផ្លូវច្បាប់អ្វីបន្ដិចសោះ។
គ្មានសមត្ថកិច្ចណាហ៊ានបង្ក្រាបទីតាំងខាងលើនេះទេ ដោយបានបណ្ដែតបណ្ដោយឲ្យករណីនេះបានកើតមានឡើងជាយូណាស់មកហើយ ទើបម្ចាស់ហាងខាងលើនេះ មិនមានការក្លាចញញើតនឹងផ្លូវច្បាប់អ្វីបន្ដិចសោះ។
មហាជនសូមស្នើសុំឯកឧត្ដម ឃួង ស្រេង អភិបាលរាជធានីភ្នំពេញ ឯកឧត្ដម ឧត្ដមសេនីយ៍ឯក ស ថេត ស្នងការនគរបាលរាជធានីភ្នំពេញ សូមមេត្ដាមានចំណាត់ការបង្ក្រាបចំពោះទីតាំងខាងលើ ដែលកំពុងបើកយ៉ាងគឃ្លើននេះផង៕
