ខេត្តរតនៈគីរីមានរមណីដ្ឋានចំនួន ២៤ កន្លែងកំពុងទាក់ទាញទេសចរទៅកម្សាន្តពីមួយឆ្នាំទៅមួយឆ្នាំ…

ខេត្តរតនៈគីរី៖ ក្រសួងទេសចរណ័៍បានអះអាងថា ខេត្តរតនគិរីស្ថិតនៅភាគឦសានឆ្ងាយដាច់ស្រយាលពីរាជធានីភ្នំពេញ ដែលមានចម្ងាយប្រមាណជាង៥០០គីឡូម៉ែត្រ ប៉ុន្តែខេត្តនេះមានរមណីដ្ឋាន ទេសចរណ៍ សរុប២៤ កន្លែង ក្រសួងបានអះអាងថា តំបន់ទេសចរណ៍ប្រមាណ២៤កន្លែងនេះ កំពុងទាក់ទាញទេសចរទៅកម្សាន្តពីមួយឆ្នាំទៅមួយឆ្នាំ។

តំបន់ទេសចរណ៍ធម្មជាតិទាំងនោះមានដូចជា៖ បឹងយក្សឡោម ទឹកជ្រោះកាចាញ ភ្នំឥស្សីបតមៈ (ស្ថិតក្នុងក្រុងបាលុង)ទឹកជ្រោះចាអ៊ុង វាលថ្មរំប្លង់ (ស្ថិតក្នុងស្រុកអូរជុំ) ទឹកជ្រោះកាទៀង ទឹកជ្រោះអូរស៊ិនលែរ៍ ទឹកជួរតាតតៃ បឹងលំកុដ យក្សឱម យក្សការ៉ា ជម្រកសត្វព្រៃ(ស្ថិតក្នុងស្រុកលំផាត់) ឧទ្យានជាតិវីរជ័យ (ស្ថិតក្នុងស្រុកតាវែង និងវើនសៃ) ទឹកជួរទឹង(ស្ថិតក្នុងស្រុកតាវែង) និងកោះសំពៅ(ស្ថិតក្នុងស្រុកកូនមុំ)។

បើទោះជាខេត្តរតនគិរីនៅឆ្ងាយយ៉ាងក្តី ក៏ខេត្តមានសណ្ឋាគារគ្រប់គ្រាន់សម្រាប់បម្រើភ្ញៀវទេសចរក្នុងការមកស្នាក់នៅនាពេលបុណ្យជាតិធំៗផងដែរ៕