គ្រូបង្វឹកក្លិបជប៉ុន Urawa លោក Rodriguez នឹងលាលែងពីតំណែង នៅដំណាច់រដូវកាល J1
(តូក្យូ)៖ គ្រូបង្វឹកសញ្ជាតិអេស្ប៉ាញ Ricardo Rodriguez នឹងចាកចេញពីក្លិបបាល់ទាត់ជប៉ុន Urawa Red Diamonds នៅដំណាច់រដូវកាលលីគ J1 League នេះ, បើទោះបីជាបានដឹកនាំក្រុម ឡើងទៅកាន់ការប្រកួតវគ្គផ្តាច់ព្រ័ត្រ Asian Champions League ក៏ដោយ, នេះបើយោងតាមសារព័ត៌មាន CNA ចេញផ្សាយនាយប់ថ្ងៃទី៣១ ខែតុលា ឆ្នាំ២០២២នេះ។
ការប្រកាសនៅថ្ងៃចន្ទនេះ បានធ្វើឡើងបន្ទាប់ពីក្រុម Urawa បានចាញ់៤-១ ទៅកាន់ក្រុម Yokohama F Marinos ដែលកំពុងនាំមុខលីគ J1 កាលពីថ្ងៃសៅរ៍ ដែលនាំឲ្យក្លិបម្ចាស់ពានរង្វាន់ជើងឯកទ្វីបអាស៊ី ចំនួន២រដូវកាលនេះ ស្ថិតក្នុងចំណាត់ថ្នាក់ទី៨, មាន២១ពិន្ទុ ដោយសល់ការប្រកួត១ជុំទៀត។
Rodriguez ត្រូវបានតែងតាំងជាគ្រូបង្វឹកក្លិប Urawa មុនរដូវកាល២០២១មកដល់ ហើយបានដឹកនាំ Urawa ក្នុងយុទ្ធនាការនេះ ស្ថិតក្នុងចំណោមក្រុម ដែលគេពេញចិត្ត ក្នុងការដណ្តើមបានពានរង្វាន់ J1 League៕
