ចាប់ខ្លួនបុរសជាប្តីវៃប្រពន្ធបែកក្បាលដេរ៣ថ្នេរ នៅស្រុកលំផាត់…..
ខេត្តរតនគិរី÷បុរសម្នាក់ត្រូវបាន កម្លាំងអធិការដ្ឋាននគរបាលស្រុកលំផាត់ឃាត់ខ្លួនពាក់ព័ន្ធករណីប្រើអំពើហិង្សាដោយចេតនា វាយប្រពន្ធបណ្តាលឲ្យបែកក្បាលរងរបួសធ្ងន់ធ្ងរ។
ហេតុការណ៍បង្កហិង្សានេះបានកើតឡើងកាលពីវេលាម៉ោង៥និង១៥នាទីល្ងាចថ្ងៃទី១៥ ខែមេសា ឆ្នាំ២០២០ ត្រង់ចំណុចការដ្ឋានទី៤ ស្ថិតនៅក្នុងភូមិស្រែឈូក ឃុំជ័យឧត្តម ស្រុកលំផាត់ ខេត្តរតនគិរី។
មន្ត្រីនគរបាលស្រុកលំផាត់បានឲ្យដឹងថា ជនសង្ស័យជាប្តីឈ្មោះ មាស ពៀ អាយុ៤២ឆ្នាំ ជនជាតិខ្មែរ។
រីឯជនរងគ្រោះប្រពន្ធឈ្មោះ ព្រំ ចាន់ អាយុ៣៤ឆ្នាំ ជនជាតិខ្មែរ រងរបួសធ្ងន់ត្រង់ក្បាលដេរ៣ថ្នេរ
ហើយអ្នកទាំង២មានទីលំនៅភូមិ/ឃុំកើតហេតុខាងលើ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកលំផាត់ ដើម្បីស៊ើបអង្កេតស្រាវជ្រាវ និងកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការទៅតាមផ្លូវច្បាប់ផងដែរ៕
