ខ្សែបម្រើ Riqui Puig របស់ Barca ចូលរួមជាមួយក្លិបអាមេរិក Los Angeles Galaxy

(បាសេឡូណា)៖ ក្លិប FC Barcelona បានបញ្ជាក់ថា ខ្សែបម្រើវ័យ ២២ឆ្នាំ Riqui Puig បានព្រមព្រៀងចូលរួមជាមួយក្លិប Los Angeles Galaxy ដែលលេងនៅលីគអាមេរិក MLS លើកិច្ចសន្យារយៈពេល ៣ឆ្នាំកន្លះ។ នេះបើយោងតាមសារព័ត៌មានស៊ិនហួ ចេញផ្សាយនាថ្ងៃទី០៦ ខែសីហា ឆ្នាំ២០២២។

ការផ្លាស់ប្តូរនេះបានធ្វើឲ្យមានការបញ្ចប់ទំនាក់ទំនងរយៈពេល ៨ឆ្នាំរបស់ខ្សែបម្រើរូបនេះជាមួយក្លិប ដែលលោកបានចូលរួម តាំងពីឆ្នាំ២០១៤។
Puig ត្រូវបានគេចាប់អារម្មណ៍ ក្នុងពេលលេងក្នុងក្រុមយុវជន និងនៅក្នុងក្រុមជម្រើសទី២ របស់ Barca ជាទីកន្លែងដែលោកបានបង្ហាញខ្លួន ៦៦ប្រកួត មុនពេលបង្ហាញខ្លួន ក្នុងក្រុមជម្រើសធំ ជាលើកដំបូង ក្នុងរដូវកាល២០១៨-១៩។
Barca កំពុងសំឡឹងមើល ក្នុងការផ្ទេរចេញនូវខ្សែប្រយុទ្ធ Martin Braithwaite នារដូវក្តៅនេះ ជាមួយនឹងក្លិប Celta Vigo ត្រូវបានគេរំពឹងថា នឹងក្លាយជាគោលដៅសម្រាប់ការផ្ទេរកីឡាករអន្តរជាតិដាណឺម៉ាករូបនេះ៕