បុរសចំនួន ២ នាក់ត្រូវបានរថយន្តមិនចាំម៉ាកមួយគ្រឿងបុកអូសឆេះម៉ូតូខ្ទិចម៉ត់ បណ្ដាលឲ្យស្លាប់ម្នាក់ និងរងរបួសស្រាលម្នាក់។
ភ្នំពេញ៖ បុរសចំនួន ២ នាក់ត្រូវបានរថយន្តមិនចាំម៉ាកមួយគ្រឿងបុកអូសឆេះម៉ូតូខ្ទិចម៉ត់ បណ្ដាលឲ្យស្លាប់ម្នាក់ និងរងរបួសស្រាលម្នាក់។ ហេតុការណ៍មួយនេះកើតឡើងនៅវេលាម៉ោង៤ ទាបភ្លឺឈានចូលថ្ងៃទី ០១ ខែកក្កដា ឆ្នាំ ២០២២ ស្ថិតតាមបណ្ដោយផ្លូវរថៃហ្គឺ ក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
បើយោងទៅតាមប្រភពព័ត៌មានពីកន្លែងកើតហេតុបានបញ្ជាក់ថាក្រុមការងារឱ្យបានដឹងថា៖ នៅមុនពេលកើតហេតុគេបានឃើញបុរសចំនួន ២ នាក់ជិះម៉ូតូម៉ាក ហុងដាឌ្រីម មួយគ្រឿង ពណ៌ខ្មៅ ពាក់ស្លាកលេខតាកែវ 1W-9020 ធ្វើដំណើរតាមបណ្ដោយផ្លូវថៃហ្គ័រ ក្នុងទិសដៅពីស្ពានព្រែកសំរោង ឆ្ពោះទៅផ្លូវជាតិលេខ១ ។ លុះពេលធ្វើដំណើរមកដល់ត្រង់ចំណុចកេីតហេតុ ក៏បន្ថែមល្បឿនវាជែង តែត្រូវបានទាក់ជាមួយដៃម៉ូតូ មួយគ្រឿងទៀតដែលជិះប្រច្រាស់ទិសគ្នា ដួល បណ្ដាលឲ្យអ្នកជិះខាងក្រោយខ្ទាតផ្លោងចេញពីម៉ូតូទៅជំហៀងផ្លូវ រងរបួសស្រាល ។ ខណៈពេលភ្លាមៗនោះផងដែរ ក៏ស្រាប់តែមានរថយន្តធន់ធំប្រភេទដឹកដី មួយគ្រឿងពណ៌ស មិនចាំស្លាកលេខ បេីកក្នុងស្ថានភាពល្បឿនលឿនថែមទាំងមិនបានប្រុងប្រយ័ត្ន ក៏បានបុកអូសកិនទាំងមនុស្សនិងម៉ូតូជាច្រើនម៉ែត្រ បណ្ដាលឲ្យស្លាប់យ៉ាង អាណោចអាធ័ម ។ រីឯម៉ូតូវិញឆេះខ្ទិចម៉ត់យ៉ាងដំណំផងដែរ ។ បន្ទាប់ពីកេីតហេតុ តៃកុងរថយន្ដបានបន្តបេីករត់គេចខ្លួនចេញពីកន្លែងកើតហេតុបាត់ស្រមោល ។ សពជនរងគ្រោះមានឈ្មោះ ណុប វៃ អាយុ២១ឆ្នាំ មុខរបរ កម្មកររោងចក្រ ស្នាក់នៅម្តុំវត្តវាលស្បូវ ខណ្ឌច្បារអំពៅ មានស្រុកកំណើត ភូមិតោល ឃុំរវៀងស្រុកសំរោង ខេត្តតាកែវ ជាអ្នកបេីកម៉ូតូ ។ អ្នករងរបួសស្រាល មានឈ្មោះ ជា បញ្ញា អាយុ១៨ឆ្នាំ មុខរបរកម្មកររោងចក្រ មានស្រុកកំណើត នៅជាមួយសពជនរងគ្រោះ ។ ពួកគេទាំង២ នាក់បានធ្វើដំណេីរចេញមកពីស្រុកកំណើតនៅខេត្តតាកែវ ឆ្ពោះមកក្រុងភ្នំពេញ ដើម្បីមកធ្វើការងារ តែអកុសល ក៏ត្រូវបានជួបគ្រោះថ្នាក់ចរាចរណ៍ បានឆក់យកអាយុជីវិតជនរងគ្រោះ ឈ្មោះ ណុប វៃ (ស្លាប់) យ៉ាងអាណោចអាធ័ម។ ក្នុងហេតុការណ៍មួយនេះក៏មានវត្តមានរបស់កម្លាំងសម្ថកិច្ចមូលដ្ឋានបានចុះទៅកន្លែងកេីតហេតុ រួចរាយការណ៍បន្តទៅសម្ថកិច្ចជំនាញចុះមកធ្វើការ ត្រួតពិនិត្យបន្ថែមទៀត។ បច្ចុប្បន្នក្រោយពេលកេីតហេតុសម្ថកិច្ចជំនាញបានធ្វើការវាស់វែង ហេីយកុសលវិច័យសព និងធ្វើរបាយការណ៍កំណត់ហេតុ រួចបានយកម៉ូតូទៅរក្សាទុកនៅអធិការដ្ឋាននគរបាលខណ្ឌច្បារអំពៅ ដេីម្បីធ្វើការស្រាវជ្រាវរករថយន្ដបង្ក និងតៃកុង យកមកធ្វើការសួរនាំ និងបន្តចាត់ការតាមនិតិវិធីច្បាប់ផងដែល ។ ចំណែកឯសពជនរងគ្រោះ ត្រូវបានបុរសឈ្មោះ បញ្ញា លេីកដាក់រថយន្តពេទ្យសង្គ្រោះ ដឹកបញ្ជូនទៅស្រុកកំណើតឲ្យគ្រួសារធ្វើបុណ្យតាមប្រពៃណី។ ៕
